Sport24.az
FİFA prezidenti Canni İnfantino maaşını ildə 30 milyon dollara qədər artırmağa ümid edirdi. Sport24.az "The Times" qəzetinə istinadən xəbər verir ki, "FIFA Forward Enterprise" layihəsi uğurlu olsaydı, funksioner istəyinə çatacaqdı. İnfantino həmçinin təşkilata rəhbərlik etdiyinə görə bonuslar alacağını gözləyirdi.
Yeni struktur FİFA-nın kommersiya fəaliyyətini və turnir təşkilatçılığını birləşdirmək üçün nəzərdə tutulmuşdu. Lakin təşəbbüs rəsmilər, federasiyalar və digər müvafiq təşkilatlar tərəfindən geniş tənqidlə üzləşdi.
Hətta jurnalist Romain Molina İnfantinonun təşkilat daxilində dəstəyin itirilməsi səbəbindən istefa vermə ehtimalının olduğunu bildirdi. Nəticədə, FİFA prezidenti dünya çempionatının hüquqlarının özəl investorlara satmaq planından imtina etdi.
