İdman.biz
"Hər iki komanda yaxşı mübarizə apardı. Komandalar meydanın hər zonasında əzmkarlıq göstərməyə çalışırdı".
İdman.biz xəbər verir ki, bunu "Araz-Naxçıvan"ın baş məşqçisi Elmar Baxşıyev deyib.
Gənc mütəxəssis Azərbaycan Premyer Liqasının XXXIV turunda "Turan Tovuz"a 0:1 hesablı məğlubiyyəti şərh edib: "Neçənci oyundur ki, epizodları dəyərləndirə bilmirik. Amma yarım epizoddan qol buraxırıq. Dəyişiləsi çox şey var. Amma bu komandanın özəyini saxlamaq lazımdır. Qarşıdakı iki oyunu düşünüb çempionatı başa vurmalıyıq. Rəqibin istəksiz olduğunu düşünmürəm. Meydanın hər qarışı uğrunda mübarizə aparırdılar. Epizodları dəyərləndirməmək ayrı mövzudur. Bəzən konsentrasiya, bəzən də keyfiyyət lazım olur. "Araz-Naxçıvan" Premyer Liqada yeni komandadır. Daha da yaxşı olmağa cəhd etmək lazımdır".
Qeyd edək ki, "Araz-Naxçıvan" son 5 oyunda cəmi 1 qol vurub.
İdman.biz
