top
Dortmundun “Sabah” matçında xal toplamaq üçün taktikası Idman.biz
19 oktyabr 2026, 16:27
- ↺ +

Dortmundun “Sabah” matçında xal toplamaq üçün taktikası

Almaniya "Borussiya"nın(Dortmund) adı və nüfuzu sözsüz ki, klubun son nəticələrindən daha böyükdür. Bu isə "Sabah"a şans verir, lakin həmin fürsətdən yararlanmaq üçün komanda son dərəcə dəqiq oynamalıdır. Çempionlar Liqasının üçüncü turunun görüşü oktyabrın 20-də Bakı Olimpiya Stadionunda keçiriləcək və saat 20:45-də başlayacaq.

İdman.Biz xəbər verir ki, Bundesliqaya ardıcıl dörd qələbə ilə başlayan Dortmund təmsilçisi daha sonra "Verder"lə 2:2 hesablı heç-heçə edib, "Bodo-Qlimt"ə 0:1 hesabı ilə uduzub və "Union"la qolsuz bərabərə qalıb. Bu qarşılaşmalarda fərqli problemlər üzə çıxıb: hesabdakı üstünlüyün əldən verilməsi, oyuna uğursuz başlanğıc və təşkilatlanmış müdafiəni yarmaqda çətinlik. Sonuncu məqam "Sabah" üçün xüsusilə maraqlıdır.

Topu Dortmund təmsilçisinə vermək olar

"Union" göstərdi ki, "Borussiya" ərazi üstünlüyünə malik olsa da, uzun müddət boş zona tapmaqda çətinlik çəkə bilər. Dortmund klubunun gözlənilən qollar göstəricisi cəmi 0,88 olub. Niko Kovaç da matçdan sonra komandasının oyununda sürət və dəqiqliyin çatışmadığını etiraf edib. Bakılılar üçün sərfəli olan rəqibi bu vəziyyətdə saxlamaqdır: mərkəzi sıx bağlamaq, yarımmüdafiə ilə müdafiə arasındakı məsafəni azaltmaq və qonaqları topu yenidən meydanın eni boyunca ötürməyə məcbur etmək.

Dambrauskasın mümkün planı da buradan qaynaqlanır: meydanın orta hissəsində yığcam müdafiə olunmaq, rəqib topu geriyə ötürəndə və ya qəbul zamanı çətinlik çəkəndə qısa müddətə fəal pressinqə keçmək. Dortmund müdafiəçilərini fasiləsiz təqib etmək qüvvəni tez tükəndirər. Rəqibin dərhal irəli oynamaqda çətinlik çəkdiyi anları seçmək daha faydalıdır.

"Sabah"ın artıq uyğun qol hücumu nümunəsi var

"Slaviya"nın qapısına vurulan ilk qol yaxşı nümunədir. Lepinitsa öz yarımmeydanında topu qazandı, Du Keyrosla oynadı, cinahda cavab ötürməsini aldı və topu zərbə üçün Parrisə çatdırdı. Bu kombinasiyada topun qazanılması, sürətlə irəliləmək və vaxtında dəstək vermək vardı. Məhz belə qarşılıqlı anlaşma Dortmundun topa nəzarətini onun özü üçün problemə çevirə bilər.

Mikels və Parris qonaqların irəli çıxan cinah oyunçularının arxasında boşluq axtarmalıdırlar. Bununla belə, mərkəz müdafiəçilərinə qarşı təkbaşına sürət yarışına bel bağlamaq etibarlı seçim deyil: Qadu "Union"la matçda 35,02 km/saat sürətə çatıb. Müdafiəni yerdəyişməyə məcbur edib, sonra topu arxadan hücuma qoşulan komanda yoldaşının zərbəsi üçün geriyə ötürmək daha perspektivlidir. "Bodo-Qlimt" də Dortmund təmsilçisinə məhz cinahdan müdafiəçilərin arxasına edilən geriyə ötürmədən sonra qol vurub.

"Borussiya" harada cəzalandıra bilər?

Həddindən artıq dərin müdafiə başqa təhlükə yaradacaq: Girassiyə cərimə meydançasında davamlı top çatdırmaq imkanı yaranacaq. O, hətta "Union"la görüşdə də asma ötürmələrdən sonra fürsətlər tapırdı. Şlotterbek isə bu yaxınlarda "Verder"ə künc zərbəsindən sonra başla qol vurub. Buna görə "Sabah"ın cinah oyunçuları müdafiəçilərə asma ötürmələrin qarşısını almaqda kömək etməli, dayaq yarımmüdafiəçiləri isə cərimə meydançası önündə qayıdan topları rəqibə buraxmamalıdırlar.

Topu qazandıqdan dərhal sonra yenidən itirmək xüsusilə təhlükəlidir. Berlində "Borussiya" top itkisindən sonra fəal pressinq tətbiq edirdi. Bakılıların bu təzyiqdən çıxmaq üçün əvvəlcədən hazırlanmış variantları olmalıdır. Mançester dərsi də aktuallığını qoruyur: "Yunayted"in ilk qolu Parrisin top itkisindən başladı, növbəti iki qol isə müdafiənin daxilində boş zonalar buraxmağın nə qədər baha başa gəldiyini göstərdi. Əks-hücuma aludə olub müdafiəçiləri sığortasız qoymağı Dortmund təmsilçisi də cəzalandıra bilər.

Digər məsələ Solvenin bütün matçı keçirməyə nə dərəcədə hazır olmasıdır. "Slaviya" üzərində qələbədən sonra Dambrauskas onun əvəzlənməsini uzun fasilədən sonrakı fiziki vəziyyəti ilə izah etmişdi. Girassiyə qarşı müdafiənin mərkəzində istənilən məcburi dəyişiklik xüsusilə dəqiq sığortalama tələb edəcək.

Dincəlmiş heyət və səbir amili

"Sabah"ın mühüm üstünlüklərindən biri var: baş məşqçi Qəbələdə "Slaviya" ilə görüşlə müqayisədə start heyətini tamamilə yenilədi və 4:0 hesablı qələbə qazandı. Parris, Rahmonaliyev və Makkarti ehtiyatda qaldılar, Mikels isə oyunun gedişində meydana çıxdı. Dortmund klubu bu müddətdə yeddi gün ərzində üçüncü səfər matçına çıxır. Üstəlik, zədəli Karetsas Bakıya gəlməyib və qonaqların hücumda rotasiya imkanları azalıb.

Heç-heçə üçün "Sabah" müdafiədə yığcamlığı qorumalı və müntəzəm cavab hücumları ilə qonaqların böyük qüvvə ilə arxayın şəkildə irəli atılmasına imkan verməməlidir. Qələbə üçün isə bir neçə həlledici epizodda yüksək keyfiyyət göstərmək lazım gələcək. Dortmund ilk qolu nə qədər uzun müddət axtarmalı olsa, bakılıların dincəlmiş futbolçuları və topu qazandıqdan sonrakı ilk ötürmənin dəqiqliyi bir o qədər vacib olacaq. Dambrauskasın komandasının ən yaxşı şansı məhz burada yarana bilər.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 19:52

Barselona, 19 yaşlı Xavi Espartla 2030-cu ilə qədər müqavilə imzaladı

Futbol
Bu gün, 19:37

Flik Barselonadan əlavə müdafiəçi transferi tələb etdi

Futbol
Bu gün, 19:28

İstanbul klubu Fənərbağçanın transferi üçün 35 milyon avro tələb edir

Futbol
Bu gün, 19:13

Yevlaxda 2-2 nəticəli 'İmişli' vs 'Zirə' matçı videonu izləyin

Futbol
Bu gün, 19:07

Porno ulduzun reklam kampaniyasından sonra klub sponsoru ilə əməkdaşlığı bağladı

Futbol
Bu gün, 19:07

Liverpulun baş məşqçisi Soboslai'nin oyun üçün hazır olduğunu bildirdi

Futbol
Bu gün, 18:51

Mourinyo Real Madrid-in Selta ilə oyun öncəsi xəbərdarlıq etdi

Futbol
Bu gün, 18:29

Rəşad Sadıqov: Hakim qərarları ‘qəribə hadisələrə səbəb olur’

Futbol
Bu gün, 18:20

FIFA anonim şikayət kanalı vasitəsilə oyun və qayda pozuntularını nəzarətdə saxlayır

Futbol
Bu gün, 18:16

U-20 Azərbaycan komandası İraqa qarşı 2:1 qalib gəldi

Şahmat
Bu gün, 18:00

Azərbaycan polis komandası "Arlan Chess Cup 2026" beynəlxalq şahmat turnirinin qalibi oldu

Futbol
Bu gün, 17:51

UFA prezidenti Şevçenko, Mudrikin dopinq ittihamlarını böhtan olaraq qiymətləndirir

Cüdo
Bu gün, 17:30

İlham Zəkiyev Misir İsgəndəriyyə şəhərində Qran-pridə iştirak edəcək

Futbol
Bu gün, 17:25

AFFA qadın məşqçilər üçün UEFA C kursunu başladı

Futbol
Bu gün, 17:15

İmişli baş məşqçisi: Milli komandaya potensial futbolçular var

Futbol
Bu gün, 17:11

Ervins Perkons: “0:2 geri düşsək də, İmişli xal qazanmağa layiq idi”

Futbol
Bu gün, 17:05

Rəşad Sadıqov: 2-0 üstünlüyündən sonra heç-heçə etməyi məyusedicidir

Futbol
Bu gün, 17:00

Emil Səfərov Neftçi təmsilçiliyində Qəbələye qayıtmaq istəyir

Futbol
Bu gün, 16:49

İngiltərə Milli Milli, Millətlər Liqası qalibi üçün əsas namizəd sayılır

Futbol
Bu gün, 16:40

Şahdağ Qusar və Gəncəbasar 0:0 bitişi

Futbol
Bu gün, 16:40

Niko Pas: Messi'nin milli takımdaki varisi

Futbol
Bu gün, 16:34

Federiko Valverde "Real Madrid"lə müqaviləsini 2031-ci ilə kimi uzadıb

Futbol
Bu gün, 16:20

Roma, Corco De Marzi ilə 2031-ci ilə qədər yeni müqavilə imzaladı

Futbol
Bu gün, 16:19

Ağadadaş Salyanski: Millidə debut və qələbə – qazandığımız qələbəni də danmamalıyıq

Oxşar xəbərlər