Idman.biz
İspaniyanın "Real Madrid" klubunun müdafiəçisi Din Heysen zədədən sonra komanda ilə məşqlərə başlayıb. Bu, "kral klubu" üçün vacib və vaxtında gələn müsbət xəbər kimi dəyərləndirilir.
İdman.Biz xəbər verir ki, dizindən aldığı zədə səbəbindən son dörd oyunu buraxan ispan mərkəz müdafiəçisi qrup məşqində iştirak edib. Onun yoxluğu Madrid təmsilçisinin nəticələrindəki enişlə eyni vaxta təsadüf etmişdi.
20 yaşlı futbolçunun bazar günü La Liqada "Alaves"ə qarşı keçiriləcək oyun öncəsi tibbi baxımdan yaşıl işıq alacağı gözlənilir. Xabi Alonsonun rəhbərlik etdiyi komandada ardıcıl zədələr müdafiə xəttinə ciddi təsir göstərdiyi üçün Heysenin qayıdışı arxa xətti gücləndirəcək.
Bununla belə, gənc futbolçunun dərhal start heyətində yer alıb-almayacağı hələlik məlum deyil. Qərarın son məşqlərdən və tibbi durumdan sonra veriləcəyi bildirilir.
