Sport24.az
"Atletiko"nun baş məşqçisi Dieqo Simeone ilə idman direktoru Mateu Alemani arasındakı münasibətlər qış "transfer pəncərəsi"ndən sonra pisləşib. Sport24.az Sport.es-əistinadən xəbər verir ki, yaranan fikir ayrılıqları, 2027-ci ilə qədər müqaviləsi olmasına baxmayaraq, argentinalının klubdakı gələcəyinə təsir göstərə bilər.
Mənbənin sözlərinə görə, Madrid təmsilçisi mövsümün sonunda klubdan ayrıla biləcək Simeonenin yerinə başqa mütəxəssis axtarmağa başlayıb. Vurğulanır ki, bu qərarda Alemani ilə hər hansı bir fikir ayrılığı deyil, komandanın nəticələri əsas amil ola bilər. Argentinalı son aylarda uğursuz nəticələri yaxşılaşdırmağa çalışmalıdır.
"Bornmut"un baş məşqçisi Andoni İraola Simeonenin yerinə əsas namizəddir. Lakin ispaniyalı mütəxəssis hələ ki, bu yöndə fikir bildirməyib.
Qeyd edək ki, argentinalı mütəxəssis 2011-ci ilin dekabrından Madrid klubunun "sükanı arxasındadır". Onun rəhbərliyi altında "Atletiko" iki dəfə İspaniya çempionluğunu bayram edib, Avropa Liqasını qazanıb.
Komanda 22 turdan sonra 45 xalla İspaniya çempionatında üçüncü yerdədir. Çempionlar Liqasında isə əsas mərhələni 14-cü yerdə bitirib və pley-offda oynayacaq.
![Zaur Həşimov: "Şəfa"nın "Araz-Naxçıvan"la heç-heçə etdiyi oyunda dörd xalın əlimizdən alındığını düşünürəm [video]](https://sportnews.az/storage/thumbs/list/5dc28bc4-0794-4d2b-8957-a40e6a2e3f77.webp "Zaur Həşimov: \"Şəfa\"nın \"Araz-Naxçıvan\"la heç-heçə etdiyi oyunda dörd xalın əlimizdən alındığını düşünürəm [video]")