Idman.biz
İtaliya millisinin tərkibində 2006-cı il dünya çempionatının qalibi Alessandro Del Pyero yığma komandanın keyfiyyətinin aşağı düşdüyünü qeyd edib.
İdman.Biz bildirir ki, İtaliya milli komandası 2026-cı il dünya çempionatının seçmə mərhələsinin pley-off finalında Bosniya və Herseqovinaya penaltilərdə uduzaraq (1:1, penaltilər – 1:4) ardıcıl üçüncü dəfə dünya çempionatına vəsiqə qazana bilməyib.
"İtaliya dünya futbolunun gülüş obyektinə çevrilib. Ardıcıl üç dünya çempionatını buraxmağı bağışlamaq çətindir. Belə bir nüfuzlu ölkədə bütöv bir nəsil turnirləri necə buraxa bilər? Dördqat dünya çempionları iyirmi ildir ki, uğur qazana bilmirlər.
Bir vaxtlar dünya səviyyəli oyunçularımız var idi, amma bu gün onların orta səviyyəsi olduqca aşağıdır", - Del Pyero deyib.
