Idman.biz
"Çelsi"nin 19 yaşlı cinah hücumçusu Tayrek Corc London klubunda oyun vaxtının azlığından narazıdır və irəliləməsini sürətləndirmək üçün başqa bir kluba keçmək üçün fəal şəkildə çalışır.
İdman.Biz bu barədə "Caught Offside"a istinadən məlumat verir.
Mənbənin məlumatına görə, "Lids Yunayted", "Everton", "Fulhem", "Sauthempton", "Kristal Palas", "RB Leypsiq" və "Roma" kimi klublar oyunçu ilə maraqlanır. Qeyd olunur ki, "göylər" 22 milyon funt sterlinqlik təklifləri nəzərdən keçirə bilər. Bu, "Fulhem"in yayda oyunçu üçün təklif etdiyi məbləğdir, lakin sövdələşmə alınmayıb.
Bu mövsüm Corc bütün turnirlərdə 10 oyunda meydana çıxıb, üç qol vurub və bir məhsuldar ötürmə edib. Onun klubla hazırkı müqaviləsi 2027-ci ilin yayına qədərdir. Transfermarkt portalında verilən məlumata görə, futbolçunun bazar dəyəri 22 milyon avrodur.
