Sport24.az
"Çelsi" "Real"ın yarımmüdafiəçisi Eduardo Kamavinqa üçün "Liverpul"la rəqabət apara bilər. Sport24.az "Caught Offside" istinadən xəbər verir ki, London klubu fransız millisinin üzvü ilə maraqlanır.
Mənbənin sözlərinə görə, "Çelsi" və "Liverpul" Kamavinqanın çevrəsi ilə əlaqə qurmağa çalışırlar. "Mersisaydlılar" bu yöndə bir addım öndədirlər.
Bir müddət əvvəl jurnalist Matteo Moretto "Real"ın 23 yaşlı futbolçu üçün 50 milyon avroluq təklifləri nəzərdən keçirməyə hazır olduğunu bildirmişdi.
Qeyd edək ki, Kamavinqa bu mövsüm bütün turnirlərdə 33 oyunda meydana çıxıb, 2 qol vurub və 1 məhsuldar ötürmə edib. Onun klubla hazırkı müqaviləsi 2029-cu ilin yayına qədərdir.
