Idman.biz
"Səbail"in sabiq baş məşqçisi Cavid Hüseynov "Neftçi"də işləyə bilər.
İdman.Biz sportinfo.az-a istinadən xəbər verir ki, beş ay çalışdırdığı Bayıl klubunun sükanı arxasından bu ilin martında ayrılan mütəxəssis "ağ-qaralar"dan təklif alıb.
Paytaxt təmsilçisi ona Yuri Vernidubun korpusunda yer almaq fürsəti verib. C.Hüseynov özü də ukraynalı mütəxəssislə işləməyə həvəslidir və hazırda tərəflər arasında müqavilə şərtləri müzakirə olunur.
Bu praktika ona yaxşı tanışdır. 2023-2024-cü illər aralığında "Turan Tovuz"da Kurban Berdiyevin yarıdmçısı vəzifəsini yerinə yetirib.
O, bir neçə aydır ki, Birinci Liqada mübarizə aparan "Cəbrayıl"da qeyri-rəsmi olaraq gündəlik məşq prosesi keçir.
"Neftçi" ilə 1,5 illik müqavilə bağlamış Yuri Vernidubun korpusunda hazırda altı nəfər var. O, Valeri Mixaylenko, Dmitro Kara-Mustafa, Vitali Vernidub və İqor Fokini özüylə bura gətirib.
Samir Abasovla çiyin-çiyinə çalışmış fiziki hazırlıq üzrə mütəxəssis İvan Yovanovski və onun assisenti də işində saxlanılıb.
