Idman.biz
Rusiya millisinin keçmiş hücumçusu Dmitri Bulıkin "Qarabağ" klubunu hazırkı UEFA Çempionlar Liqası mövsümünün ən böyük kəşfi hesab edir.
İdman.Biz-in Gazeta.Ru-ya istinadən verdiyi məlumata görə, keçmiş hücumçu Ağdam komandasının fədakarlığını tərifləyib və etiraf edib ki, məhz bu, onlara daha təcrübəli rəqiblərə qarşı xal qazanmağa imkan verir.
"Qarabağ". Onların sirrini heç kim bilmir. Onlar inanılmaz fədakarlığa malikdirlər. Onlarla oyuna rəqiblər yəqin ki, çox ciddi hazırlaşmırlar, buna görə də xal toplaya bilirlər", - Bulıkin deyib.
Çempionlar Liqasının səkkizinci turu ərəfəsində "Qarabağ" 10 xalla 18-ci yerdədir. Lakin 25-ci yerlə aradakı fərq cəmi iki xaldır və bu da növbəti mərhələ uğrunda mübarizəni olduqca maraqlı edir.
"Liverpul" və "Qarabağ" arasında Çempionlar Liqası matçı bu gün keçiriləcək və Bakı vaxtı ilə saat 23:59-da başlayacaq.
