Sport24.az
"Beşiktaş" Moskva "Lokomotiv"inin oyunçusu Sezar Montesin transferində maraqlıdır. Sport24.az xəbər verir ki, bu barədə "Championat" portalı məlumat yayıb.
Mənbənin sözlərinə görə, Türkiyə klubu yaxın günlərdə meksikalı müdafiəçi üçün "Lokomotiv"ə transfer təklifi edəcək.
"Beşiktaş" əvvəlcə "Real"dan David Alaba və Dortmund "Borussiya"sından Emre Canın keçidini gözdən keçirirdi. Lakin bu futbolçuların transferi baha başa gəldiyindən diqqətlər Montesə yönəlib.
Qeyd edək ki, Sezar 2024-cü ilin sentyabrından "Lokomotiv"də oynayır. Müdafiəçi bu mövsüm Rusiya klubunda 19 oyun keçirib, 1 qol vurub və 1 məhsuldar ötürmə edib. "Transfermarkt" portalı meksikalı oyunçunun bazar dəyərini 7 milyon avro qiymətləndirir.
