Sport24.az
Misli Premyer Liqasının 1-ci turunda "Neftçi" - "Turan" matçında hesab açılmadı. Sport24.az xəbər verir ki, qonaqların baş məşqçisi Kurban Berdıyev görüş başa çatdıqdan sonra mətbuat konfransı keçirib.
- Oyun çatışmayan cəhətlərimizi açdı. Futbolçularım meydan boyu mübarizə apardı.
- Çatışmazlıqlar nədən ibarət idi?
- Hücumda istədiyimizi edə bilmədik. Uşaqlar nə etməli olduqlarını bilir, yəqin bir az zaman lazımdı.
- Deyəsən, nəticədən narazısınız...
- Mən maksimuma köklənirəm. Çox yaxşı rəqibə qarşı oynadığımızı xüsusi qeyd edərdim.
- Son 10 dəqiqədə yorğunluq aşkar sezilirdi.
- Bu, təbiidi. Biz də, rəqib də əvəzetmələrə əl atdı.
- Oyundan əvvəl rəqibin analizini nələrə xüsusi diqqət yetirmişdiniz?
- Hər komandanın qüsurları var. Biz də istisna deyilik. Rəqibimizdə də çatışmazlıq var idi. Xüsusilə, Ayxan oyuna daxil olduqdan sonra şanslarımız oldu.
- Stadiondakı atmosfer və meydan amili barədə fikirləriniz?
- Azarkeşlərimizə təşəkkür edirik. Qazona gəlincə, bütün komandalar eyni şəraitdə oynayır?
- Mövsüm üçün hədəfiniz nədi?
- Hədəfimiz maksimaldı. Heyətimizə bələdik. Ancaq hər oyuna maksimal hədəflə çıxırıq.
