Bəhlul Mustafazadə: "Xaricdən təkliflərim var idi, amma onlar..."

"Qarabağ"ın "Zirə"ni minimal hesabla məğlub etdiyi "Zirə" ilə oyundan sonra "süvarilər"in müdafiəçisi Bəhlul Mustafazadə Sport24.az-ın əməkdaşının suallarını cavablandırıb. Millinin də şərəfini qoruyan futbolçu həm oyunla bağlı fikirlərini bölüşüb, həm də

-"Zirə" ilə oyun barədə fikirlərini bilmək istərdik...
-  Bizi ağır matçın gözlədiyini bilirdik. Mövsümdəki ən ağır oyunlarımızdan birini keçirdik. Qarşılaşmadan öncə şanslar bərabər idi. Görüşün taleyini bir top həll etdi ki, qalib gəldiyimizə görə çox şadam.

- Geridə qalan 34 tur haqqında nə deyərdin?
- Bizim üçün ağır marafon oldu. Çempionata məğlubiyyətlə başladıq. Gərgin qrafik altında oynayırdıq. Amma şükürlər olsun ki, tədricən toparlandıq və istədiyimiz oyuna, nəticəyə və çempionluğa nail olduq. Bunun üçün çox tər tökdük. Çempionatla yanaşı, avrokuboklarda da yaxşı çıxış etdik. Fikrimcə, bundan daha yaxşı olmaq üçün çalışmalıyıq.

- Çempionluğunuzu erkən rəsmləşdirdiz, oyunlara motivasiya olmaq çətin olmur?
- Xeyir, mən belə düşünmürəm. Erkən çempion olmağımız bir çox çatışmazlığı daha rahat aradan qaldırmağa imkan verir. Odur ki, ilk pillədə yerimizi tam rəsmləşdirəndən sonra heyətimizdə az şans qazanan və zədədən əziyyət çəkən oyunçularımızın təcrübə qazanması üçün şans yarandı. Eləcə də digər problemlərimizi aradan qaldırırıq. Odur ki, heç bir arxayınlıqdan söhbət gedə bilməz.  

- Avropa Liqasında sizi mübarizədən kənarlaşdıran "Bayer" finala yüksəlib. Bu barədə nə deyərdin?
- "Bayer"in güclu komandadı. Onlara qarşı çox yaxşı mübarizə aparmışdıq. Almanları hər iki görüşdə nokdauna salsaq da, nakaut vəziyyətinə gətirə bilmədik. Odur ki, onlarla oyunlarımızı həm biz, həm də azarkeşlərimiz çox xatırlayacaq.

- Komanda yoldaşın Andrey Lunyov "Bayer"in turnirdə çempion olmasını istəyir. Ona qoşulursan?
- Almanların finaldakı rəqibi "Atalanta"da yaxşı formadadı və onlar sona qədər döyüşəcək. Şansları bərabər hesab edirəm. Təbii ki, "Bayer" qalib gəlsə, təsəllimiz o olacaq ki, bizi çempion komanda mübarizədən kənarlaşdırıb.  

- "Qarabağ"la müqavilən uzatdın. Amma çoxları sənin ölkə xaricinə yollanmağını gözləyirdi. "Qarabağ"da qalmaq qərarını necə izah edərdin?
- Bəli, xaricdən təkliflərim var idi,  amma onlar "Qarabağ"dan üstün komandalar deyildi. Məncə, düzgün qərar vermişəm. Ağdam təmsilçisində qalmaqda daha da inkişaf edə bilərəm. Qarşıdan ÇL-ın oyunları gəlir, mötəbər turnirdə özümü ən yaxşı tərəfdən göstərmək istəyirəm.

ABDULLA İSMAYILOĞ