Idman.biz
"Rəqib güclüdür, onlara qarşı layiqli mübarizə aparmağa çalışacağıq".
İdman.biz xəbər verir ki, bunu Azərbaycan millisinin futbolçusu Bəhlul Mustafazadə Macarıstan yığmasına qarşı keçirəcəkləri yoldaşlıq oyunundan əvvəl mətbuat konfransında deyib.
O bildirib ki, sabahkı görüş Latviya ilə qarşılaşmadakı (0:0) nəticə psixoloji baxımdan o qədər də təsir etməyəcək: "Biz hazır olmağa məcuruq. Görüş Bakıda olacağından şanslar 50/50-yədir. Ümid edirəm ki, yaxşı oyunla qələbə qazana biləcəyik. Əlimizdən gələni edəcəyik ki, baş məşqçi Fernandu Santuşun tapşırıqlarını yerinə yetirək".
Qeyd edək ki, Azərbaycan - Macarıstan oyunu sabah "Liv Bona Dea Arena"da, saat 20:00-da start götürəcək.
Aytac Sahəd
İdman.biz
