İdman.biz
"Mövsümə çətin başlamışdıq".
İdman.biz xəbər verir ki, bunu "Qarabağ"ın futbolçusu Bəhlul Mustafazadə bildirib.
O, Azərbaycan Premyer Liqasında çempionluqları ilə başa çatan 2023/2024 mövsümü dəyərləndirib. Mustafazadənin sözlərinə görə, daha sonra toparlanıb yaxşı oyunlar göstərməyə başlayıblar: "Sonda isə hər şey yaxşı bitdi. Azərbaycan kubokunda bizi "Zirə" ilə çox çətin oyun gözləyir. Yaxşı müdafiə olunmağı bacarırlar. Buna görə də bizi nəyin gözlədiyinin fərqindəyik. Buna uyğun hazırlaşacağıq. Bu mövsüm etdiyimiz səhvlərdən nəticə çıxarıb, Çempionlar Liqasında daha uğurlu olmaq istəyirik. Bunun üçün də çalışacağıq".
Qeyd edək ki, "Qarabağ" Azərbaycan kubokunun finalında "Zirə" ilə iyunun 2-də üz-üzə gələcək.
Banuçiçək Hüseynli
İdman.biz
