Idman.biz
İspaniyanın "Barselona" futbol komandası hücum xəttini gücləndirmək üçün daha bir ulduz futbolçunu transfer siyahısına daxil edib.
İdman.Biz xəbər verir ki, Kataloniya təmsilçisi İtaliyanın "İnter" futbol komandasının hücumçusu Lautaro Martineslə maraqlanır. Argentinalı forvard Xulian Alvaresin alternativi kimi nəzərdən keçirilir.
Məlumata görə, "Barselona"nın əsas hədəfi hələ də "Atletiko"nun hücumçusu Alvaresdir. Lakin Madrid klubu ilə danışıqlarda irəliləyiş əldə olunmayacağı təqdirdə kataloniyalılar Lautaro variantını aktivləşdirə bilərlər.
Martinesin namizədliyi baş məşqçi Hansi Flik və klubun idman direktoru Dekonun da xoşuna gəlir.
28 yaşlı hücumçunun "İnter"lə müqaviləsi 2029-cu ilə qədər qüvvədədir. Bu səbəbdən mümkün transferin maliyyə baxımından asan olmayacağı gözlənilir.
