Sport24.az
"Çelsi"nin futbolçusu Noni Madueke Premyer Liqada klubunu dəyişə bilər. Sport24.az xəbər verir ki, "Arsenal" İngiltərə millisinin üzvünü transfer etməyi planlaşdırır.
Bu barədə "Give Me Sport" məlumat yayıb.
"Topçular"ın baş məşqçisi Mikel Arteta Maduekeni komandasında görmək istəyir. "Arsenal" 23 yaşlı vinger üçün onun klubu ilə danışıqlara başlayacaq.
Qeyd edək ki, "Çelsi" Noni Maduekeni 2023-cü ilin yanvar ayında PSV-dən transfer edib. Futbolçu ötən mövsüm London təmsilçisinin heyətində meydana çıxdığı 42 rəsmi matçda 11 qol və 5 məhsuldar ötürmə ilə yadda qalıb.
