Idman.biz
"Brayton"un azarkeşi Fələstin komandasının formasını geyindiyinə görə 5 oyunluq cəza alıb.
İdman.biz xəbər verir ki, klubun mövsümlük abonementinin sahibi və "Boxfresh" ayaqqabı markasının yaradıcısı Rocer Ueyd Fələstin atributikasına görə cəzalandırıldığını açıqlayıb.
Premyer Liqanın 1-ci turunda "Brayton" evdə "Fulhem"lə heç-heçə edib - 1:1. Fasilə zamanı Ueyd heç bir izahat verilmədən stadiondan çıxarılıb.
Yazılı sorğuya cavab olaraq klub ona oyunda geyindiyi Fələstin millisinin köynəyinə görə qarşıdakı 5 matçda stadiondan kənarlaşdırıldığını bildirib.
Bundan əvvəl Böyük Britaniyanın baş naziri Kir Starmer bəyan etmişdi ki, əgər İsrail Qəzza zolağına humanitar yardımın daxil olması üçün konkret addımlar atmasa və iki dövlətli həllə sadiqliyini təsdiqləməsə, sentyabrda BMT Baş Assambleyasında Fələstin dövlətini tanıya bilərlər.
İdman.biz
