Idman.biz
Qazaxıstanın Almatı şəhərində beynəlxalq səviyyəli müasir stadionun inşası planlaşdırılır.
İdman.biz xəbər verir ki, bu barədə yerli mətbuata şəhər akimliyindən məlumat verilib.
Yeni obyektin təxminən 15 hektar ərazidə inşa edilməsi planlaşdırılır. Layihənin həyata keçiriləcəyi ərazi şəhərin mühüm nəqliyyat-logistika qovşağına çevriləcək ki, bu da tamaşaçılar və qonaqlar üçün rahatlıq yaradacaq.
Bildirilib ki, yeni stadion UEFA-nın 4-cü kateqoriyasına uyğun olacaq və 35 min tamaşaçı üçün nəzərdə tutulacaq.
Layihəyə həmçinin təlim-məşq bazaları, azarkeşlər üçün istirahət zonaları və müasir təhlükəsizlik sistemləri daxildir. Gələn il tikinti-quraşdırma işlərinə başlanılması nəzərdə tutulur.
65 il əvvəl tikilmiş Almatı Mərkəzi Stadionu da qorunub saxlanacaq və yenidən qurulacaq: bu zaman arenanın atletika infrastrukturu da nəzərə alınacaq.
Qeyd edək ki, bu gün Mərkəzi Stadionda UEFA Çempionlar Liqası pley-off mərhələsinin "Kayrat" - "Seltik" cavab oyunu keçiriləcək.
İdman.biz
