Report.az
İngiltərənin "Liverpul" komandasını baş məşqçisi Arne Slot hücumçu Məhəmməd Salahın klubdan ayrılacağı ilə bağlı danışıb.
"Report"un "Sky Sports"a istinadən məlumatına görə, niderlandlı məşqçi hücumçunu "əsl əfsanə" adlandırıb.
"Ümid edirəm ki, o, xüsusi bir şey uğrunda mübarizə aparmağa davam etdiyimiz müddətdə qarşıdakı həftələrdə və aylarda klubdakı irsini daha da əhəmiyyətli hala gətirə biləcək. O, klubda əbədi əfsanə olaraq qalacaq, çünki dediyim kimi, komandanın son mövsümlərdəki uğurları əsasən Monun onlar üçün etdikləri ilə bağlıdır", - nəşr baş məşqçinin sözlərini sitat gətirib.
O qeyd edib ki, Salah klubla ilk ilində "təsirli mövsüm" keçirib.
"Mo daha çox qol vurub və ən çox məhsuldar ötürmə edib və bunun nə qədər tez-tez baş verdiyini bilmirəm, Premyer Liqadakı digər oyunçulardan danışmıram. Salah mütləq klubu əfsanə kimi tərk edəcək", - Slot deyib.
Futbolçu daha əvvəl "X" sosial şəbəkəsindəki səhifəsindəki videomüraciətində cari mövsümün sonunda "Liverpul"dan ayrılacağını açıqlayıb.
