Sport24.az
"Klublarımız qış transferlərində aktiv deyil. Yalnız "Turan Tovuz", "Səbail", "Şamaxı", "Kəpəz" kimi klublar çempionatda məqsədlərinə çatmaq üçün ehtiyyacları olan transferlərə əl atdılar". Bu sözləri Sport24.az-a açıqlamasında Arif Əsədov Premyer Liqa klublarının qış transferləri barədə danışarkən deyib.
Təcrübəli mütəxəssis əksər komandaların transferdə yalnışlıq etmək istəmədikləri üçün tələsmədiklərini bildirib:
"Kəpəz", "Şamaxı", və "Səbail" daha çox Premyer Liqada qalmaq üçün mübarizə aparırlar. "Turan Tovuz" isə avrokuboklara vəsiqə verən pillələrdən birini tutmaq istəyir. "Neftçi"nin transfer bazarında aktiv olacağı gözlənilsə də, hələ ki, bir futbolçu ilə anlaşıblar. Görünən odur ki, heç kim tələsik addım atıb, transferdə səhv etmək istəmir. Düzdür, indiki durumda transfer etmək də çətindir. Juninyo "Qarabağ"ı tərk etsə də, yerinə oyunçu gəlməyib. Çünki ağdamlıların seçimi genişdir. "Zirə"nin bərabər səviyyəli iki heyəti var. Yəqin "Sabah" da daha keyfiyyətli futbolçu axtarışındadır. Qalan komandalar yay mövsümünü gözləyirlər".
