Sport24.az
"Barselona"nın futbolçusu Ronald Arauxo gələcəyi ilə bağlı qərarı verib. Sport24.az xəbər verir ki, bu barədə insayder Fabrizio Romano məlumat yayıb.
25 yaşlı müdafiəçi Kataloniya klubunu bu ay tərk etməyəcək. Klubun idman direktoru Dekunun uruqvaylı oyunçu ilə apardığı danışıqlardan sonra o, "Yuventus"un təklifini rədd edib.
Bundan əlavə "Barselona" Arauxo ilə yeni müqavilə imzalamağa razılaşıb. Hazırda danışıqlar davam edir və müsbət yöndədir.
Qeyd edək ki, Ronald Arauxo bu mövsüm uzun sürən zədəsindən sonra "Barselona"nın heyətində 2 oyuna çıxıb və 1 qolun ötürməsini edib.
