Sport24.az
Dünən keçirilən "Neftçi" - "Kəpəz" matçından sonra qonaqların hücumçusu Amil Yunanov Sport24.az-ın əməkdaşının suallarını cavablandırıb.
- Ardıcıl uğurlu oyunlardan sonra bu gün böyük hesabla məğlub olduz. Yenilginizin səbəbini necə izah edərdin?
- Matça yaxşı başlamışdıq. "Neftçi" səfərindən də sərfəli nəticə ilə evə qayıtmaq istəyirdik. Hesabda önə də keçməyi bacardıq. Amma ilk hissənin sonlarında gözlənilməz 2 qol buraxdıq. Bu da psixoloji cəhətdən komandaya təsir etdi. Fasilədən sonra da toparlana bilmədik. Komanda yoldaşımın meydandan qovulması da təsirini göstərdi. Rəqib azlıqda qalmağımızdan istifadə edib daha iki dəfə fərqlənərək böyük hesabla qələbə qazandı.
- Səncə, oyununuz niyə alınmadı?
- İtkilərimiz də çox idi. 7 futbolçumuz cəza, zədə səbəbindən bizə kömək edə bilmirdi. Bundan başqa təkrar edirəm çox bəsit səhvlərə yol verdik. Rəqib də bundan maksimum yararlandı.
- Sizin üçün heç bir əhəmiyyə daşımayan son 2 oyuna motivasiya olmaqda çətinlik çəkməyəcəksiz?
- Biz heç vaxt motivasiyadan düşmürük. Odur ki, bu məğlubiyyəti unudub, qarşıdakı iki matça köklənib maksimum nəticə qazanmaqla azarkeşlərimizi sevindirmək istəyirik.
- Yayda "Kəpəz"lə müqavilən bitir. "Sarı-göylər"də qalacan, yoxsa başqa təklifləri gözdən keçirəcəksən?
- Bu barədə hələ danışmaq tezdi. Çempionat bitməyib. Daha 2 oyunumuz var. Mövsüm başa çatandan sonra karyeramla bağlı qərar verəcəm.
- Legioner həyatı yaşamaq barədə düşünürsən?
- Xeyr, ölkə daxilində davam edəcəm. İstənilən halda ilk danışıq aparacağım klub "Kəpəz" olacaq.
ABDULLA İSMAYILOĞLU
