Sport24.az
"Barselona"nın baş məşqçisi Hans-Diter Flik komandanın hücumçusu Robert Levandovski ilə Səudiyyə Ərəbistanının "Əl-Nəsr" klubunun hücumçusu Kriştiano Ronaldonu müqayisə edib. Sport24.az xəbər verir ki, almaniyalı mütəxəssis bu barədə Goal portalına açıqlama verib:
"Bu yaşda o səviyyədə oynamaq... Bir tərəfdən bu, fiziki durumundan asılıdır, digər tərəfdən isə o, özünə çox diqqət yetirir. Kriştiano Ronaldo kimi, Robert də heyrətamiz bədən quruluşuna malikdir. Polşalı əsl peşəkardır və yüksək nəticələr əldə etmək üçün daim bütün xırdalıqlara diqqət yetirir".
Qeyd edək ki, Levandovski bu mövsüm bütün turnirlərdə 46 oyun keçirib, 40 qol vurub və 3 məhsuldar ötürmə edib.
