Idman.biz
"Red Bull"un avtoidman üzrə keçmiş məsləhətçisi Helmut Marko dördqat dünya çempionu Maks Ferstappen haqqında danışıb.
İdman.Biz xəbər verir ki, Marko Ferstappenin artıq zəngin təcrübə topladığı qənaətindədir.
"Əlbəttə, mən ona həmişə kömək etməyə hazıram. Amma Maks dördqat dünya çempionudur və bu müddət ərzində o, dünyanın ən yaxşı sürücülərindən birinə çevrilib. Onun məsləhətçilərə ehtiyacı yoxdur. Maksın hazırda mənə xüsusilə ehtiyacı yoxdur. O, çox şey bilir, çox şeyə nail olub və zəngin təcrübə toplayıb. İnanıram ki, onun daha çox uğur qazanacağını görəcəyik", – Marko "RacingNews365"-ə bildirib.
O əlavə edib ki, növbəti mövsümdə şassi və mühərrik qaydaları dəyişəcək: "Red Bull" ilk dəfə öz güc aqreqatını istehsal edəcək. Əlbəttə, bu, ciddi addımdır və risklərlə doludur. Lakin biz Ditrix Mateşitslə birlikdə "Risksiz əyləncə yoxdur" şüarı altında fəaliyyət göstərdik. Mühərrikləri özümüzün hazırlaması olduqca əmək tələb edən və baha başa gələn bir prosesdir. Problemlər yarana bilər, amma indiyə qədər hər şey çox yaxşı gedib".
