Idman.biz
"F1"dəki "Mercedes" komandasının italyan pilotu Andrea Kimi Antonelli 2025-ci il mövsümünün çətin dövründə emosional reaksiya verdiyini etiraf edib.
İdman.Biz-in məlumatına görə, "La Gazzetta dello Sport" Antonellinin fikirlərinə yer verib.
"Formula-1"də insanlar ağlayırmı? Mən ağlayıram. Çətin dövrlərdə tez-tez ağlayırdım. Xüsusilə psixoloji cəhətdən çox çətin idi, çünki özümə şübhə etməyə başlamışdım. "Formula-1" həyatımın arzusudur, onun naminə mən çox çalışmışam, amma mövsümə əla başlanğıcdan sonra hər şeyin plana uyğun getmədiyini hiss etməyə başladım. Bu, çətin idi. Eyni zamanda, məndə daha yetkin yarış pilotlarında olan sakitlik və düşüncə aydınlığı çatışmırdı", - "La Gazzetta dello Sport" Antonellidən sitat gətirib.
Antonelli "Formula-1"də debütünü 2025-ci ildə edib. İtalyan çempionatda yeddinci yeri tutub.
