Report.az
"Sumqayıt" Misli Premyer Liqasının XXXI turunda "Araz-Naxçıvan"la matçda (2:1) xarakter göstərərək qələbə qazanıb.
"Report" xəbər verir ki, bunu oyundan sonra komandanın məşqçisi Velikço Kaplanoviç deyib.
Mütəxəssis "Araz-Naxçıvan"la matçla bağlı fikirlərini bildirib:
"Oyunçuları təbrik edirəm. Bütün güclərini qoydular. İkinci hissədə "Araz-Naxçıvan" yaxşı oynadı. Səhvdən sonra qol buraxdıq və bir balaca ruhdan düşdük. Ancaq xarakter göstərdik və qələbə qazandıq. Bu gün 3 gənc oyunçunu meydana buraxdıq".
O, rəqibin yüksək səviyyəli komanda olduğunu vurğulayıb: ""Araz-Naxçıvan" kifayət qədər yüksək səviyyəli komandadır. Fərdi olaraq güclüdürlər. Ən böyük problem odur ki ardıcıl 2-3 ötürmə edə bilmirdik".
