Report.az
Fransa təmsilçisi PSJ-nin hücumçusu Usman Dembele UEFA Çempionlar Liqasının finalında İngiltərənin "Arsenal" komandasına qarşı oyunda iştirak etməyə hazırdır.
"Report" "RMC Sport"a istinadən xəbər verir ki, mayın 30-da keçiriləcək həlledici qarşılaşma öncəsi fransalı futbolçunun zədəsi ilə bağlı narahatlıq yaranmışdı.
O, Fransa çempionatının XXXIV turunda "Paris"ə qarşı matçda (1:2) zədə şübhəsi səbəbindən 27-ci dəqiqədə əvəzlənib.
Usman Dembele hazırda vəziyyətinin yaxşı olduğunu və final görüşünə tam hazırlaşdığını açıqlayıb. Futbolçu böyük oyunlar öncəsi zədələrlə bağlı risk etmək istəmədiyini də vurğulayıb.
Qeyd edək ki, Dembele cari mövsümdə bütün turnirlərdə 39 oyunda meydana çıxıb, 19 qol vurub və 11 məhsuldar ötürmə edib.
