Report.az
Misli Premyer Liqasında IV tura bu gün yekun vurulacaq.
"Report"un məlumatına görə, sonuncu gündə iki oyun baş tutacaq.
İlk olaraq "Turan Tovuz" "Sumqayıt"ı qəbul edəcək. Qarşılaşma saat 18:00-da start götürəcək. Meydan sahibləri 4 xalla altıncı, rəqibindən bir oyun az keçirən "gənclik şəhəri" təmsilçisi sıfır xalla sonuncu - 12-ci yerdədir.
Tura "Qarabağ" - "Araz-Naxçıvan" matçı ilə yekun vurulacaq. Bu görüş saat 20:15-də başlayacaq. Ehtiyatda daha bir oyunu olan Ağdam təmsilçisi 6 xalla dördüncü, Naxçıvan klubu 1 xalla 11-ci sıradadır.
Misli Premyer Liqası
I dövrə, IV tur
6 sentyabr
18:00. "Turan Tovuz" – "Sumqayıt"
Hakimlər: Kamranbəy Rəhimov, Şirmamed Mamedov, Kərim Zeynalov, Ruslan Quliyev.
VAR: Kamal Umudlu.
AVAR: Vüsal Məmmədov.
Hakim-inspektor: Orxan Məmmədov.
Tovuz şəhər stadionu
20:15. "Qarabağ" – "Araz-Naxçıvan"
Hakimlər: Cavid Cəlilov, Kamran Bayramov, Müslüm Əliyev, Emin Əliyev.
VAR: Elçin Məsiyev.
AVAR: Pərvin Talıbov.
Hakim-inspektor: Munis Abdullayev.
Tofiq Bəhramov adına Respublika stadionu
Xatırladaq ki, turun əvvəlki matçlarında "Qəbələ" "İmişli"ni (2:1), "Şamaxı" "Kəpəz"i (4:1), "Sabah" "Zirə"ni (5:0), "Neftçi" "Şəfa"nı (4:1) məğlub edib.
