Report.az
"Qəbələ" komandasında bəzi dəyişikliklər olub.
"Report" xəbər verir ki, bunu adıçəkilən komandanın məşqçisi Amil Ağacanov Misli Premyer Liqasının IV turunda "İmişli"yə qarşı keçirilən oyundan sonra mətbuat konfransında deyib.
Mütəxəssis qələbə qazandıqları matçı şərh edib:
"Üç oyundan sonra 1 xalımız var idi. Komandamızda bəzi dəyişikliklər oldu. Məşqçilər heyəti olaraq keçirdiyimiz oyunları təhlil etdik və daha yaxşı hazırlaşdıq. Bilirdik ki, "İmişli" komandası uzun toplardan çox istifadə edir və standartlarda yaxşı oynayırlar. Buna uyğun planla hazırlaşdıq. Şükürlər olsun ki, qələbə qazandıq. Qələbə münasibətilə bütün futbolçuları, azarkeşləri, ürəyi "Qəbələ" ilə döyünən hər kəsi təbrik edirəm"
Qeyd edək ki, "Qəbələ" - "İmişli" görüşü ev sahiblərinin 2:1 hesablı qələbəsi ilə bitib.
