Lent.az
Turin "Yuventus"u "Nyukasl Yunayted"in müdafiəçisi Lloyd Kellini almaqda maraqlıdır.
Lent.az xarici mediaya istinadla bildirir ki, italyanlar artıq futbolçunu icarəyə götürmək təklifi ilə çıxış ediblər. Lakin ingilis klubunun rəhbərliyi bu təklifi rədd edib. O da bildirilir ki, "Nyukasl" Türkiyənin "Fənərbaxça" klubunun da Kelli üçün 13 milyon avroluq təklifini qəbul etməyib. Qeyd olunur ki, "Yuventus" 15 milyon avroya transfer üçün ingilislərlə razılığa gəlir.
26 yaşlı Lloyd Kelli 2024-cü ilin yayından "Nyukasl"da çıxış edir. Bu müddət ərzində futbolçu bütün turnirlərdə "qırxlar" üçün 13 oyun keçirib və bir məhsuldar ötürmə edib. Transfermarkt internet portalı oyunçunun bazar dəyərini 18 milyon avro olaraq qiymətləndirir.
