Idman.biz
Eks-futbolçu Devid Bekhemin həyat yoldaşı Viktoriya kosmetika seçiminə ciddi yanaşdığını deyib.
İdman.biz bildirir ki, Viktoriya Bekhem gündəlik gözəllik rutininin necə olduğunu paylaşıb. O, şəxsi bloqunda yazıb ki, adətən dərisinin nəfəs almasına imkan verən yüngül makiyaj edir.
"Çox yağlı tonal kremi sevmirəm. Mən uzun müddət və eyni zamanda "elastik" qalan və sanki dərimlə birlikdə hərəkət edən kremləri xoşlayıram", - Viktoriya qeyd edib.
Bekhem əlavə edib ki, o, uzun illərdir dəridəki səpgilərlə mübarizə aparıb, ona görə də indi kosmetikanın tərkibini diqqətlə oxuyur və yüngül məhsullara üstünlük verir. Məsələn, maye ənliklərdən istifadə edir. Onlar təbii effekt yaratmağa imkan verir və üzdə ağır görünmürlər.
İdman.biz
