Idman.biz
"İstədim ki, Azərbaycan xalqı adına bir ilk olsun".
Bunu İdman.biz-ə Azərbaycan alpinisti Vəfa Musayeva deyib.
8516 m hündürlüyə malik Lhotse dağının zirvəsinə qalxan alpinist təəssüratlarını bölüşüb. Musayeva bildirib ki, hazırda özünü yaxşı hiss edir: "Mən bu dəfə təkcə Everest üçün getməmişdim. Everestlə bərabər planetin dördüncü ən hündür zirvəsi olan Lhotseni eyni mövsümdə fəth etməyin çətinliyini öz üzərimə götürmüşdüm. Çox şükürlər olsun ki, hər ikisini yerinə yetirə bildim".
Qeyd edək ki, bundan 2 gün əvvəl Everesti fəth edən alpinistimiz 7900-8000 metr hündürlükdə yerləşən düşərgəyə enib. Bununla da Musayeva 3 gün ərzində 2-ci dəfə 8000 metrdən artıq yüksəkliyi fəth edib. Hazırda baza düşərgədə olan idmançınız 8000 metrdən yuxarıda dörd gündən çox vaxt keçirib.
Aytac Sahəd
İdman.biz
