Idman.biz
"Real Madrid"in sabiq futbolçusu Rafael van der Vart La Liqanın 10-cu turunda keçiriləcək "Barselona" - "Real Madrid" qarşılaşması ilə bağlı proqnozunu açıqlayıb.
İdman.Biz AS nəşrinə istinadən xəbər verir ki, niderlandlı keçmiş futbolçu oktyabrın 25-də baş tutacaq El-Klasikoda Madrid təmsilçisinin qələbə qazanacağını düşünür.
"Gözləyirəm ki, "Real Madrid" bu oyunda qalib gələcək. "Barselona" yaxşı çıxış etsə də, düşünürəm ki, Madrid klubu kataloniyalıların top itkilərindən əks-hücumlar vasitəsilə səmərəli istifadə edə biləcək. İnanıram ki, "Real Madrid" "Barselona"nı cəzalandıracaq", - deyə van der Vart bildirib.
O, Joze Mourinyonun rəhbərlik etdiyi komandanın oyun üslubunu da yüksək qiymətləndirib:
"Heç bir sürpriz gözləmirəm. Düşünürəm ki, Mourinyo "RB Leypsiq"ə qarşı evdə qələbə qazandıqları matçdakı heyəti demək olar ki, dəyişməyəcək.
"Real Madrid" qələbə maşınına çevrilib. Futbolçular baş məşqçiləri üçün mübarizə aparır və meydanın hər qarışında bütün güclərini ortaya qoyurlar. Mourinyonun üslubu aydındır: komanda mütəşəkkil və intizamlı futbol oynayır. Qələbə qazanmaq üçün mütləq gözəl futbol sərgiləmək lazım deyil. Əsas olan qalib gəlməkdir".
Qeyd edək ki, "Barselona" - "Real Madrid" qarşılaşması oktyabrın 25-də "Kamp Nou" stadionunda keçiriləcək.
