Sport24.az
Sinqapurda hazırki dünya çempionu Dinq Liren (Çin) və namizədlər turnirinin qalibi Qukeş Dommarajunun (Hindistan) Şahmat Tacı uğrunda mübarizəsi sona yaxınlaşmaqdadır.x Sport24.az xəbər verir ki, zəka sahibləri bu gün 13-cü partiyada üz-üzə gəliblər.
Tərəflər 69-cu gedişdə sülhə razı olublar. Sona bir tur qalmış ümumi nəticədəki heç-heçəni dəyişmək mümkün olmayıb - 6,5:6,5.
Qeyd edək ki, sabah mübarizədə sonuncu tur keçiriləcək. Qalib müəyyən olunmayacağı təqdirdə şahmatçılar tay-breykdə qüvvələrini sınayacaqlar.
