Sport24.az
Portuqaliya milli komandasının kapitanı Kriştiano Ronaldo ilə baş məşqçi Jorje Jezuş arasında yaşanan fikir ayrılığı zəminində yaranan qalmaqal davam edir. Sport24.az xəbər verir ki, Səudiyyə Ərəbistanının "Al Weam" nəşrinin yaydığı məlumata görə, baş məşqçi Jorje Jezuş bu məsələ ilə bağlı mövqeyini Portuqaliya Futbol Federasiyasının prezidenti Pedru Proensaya çatdırıb.
Portuqaliyalı mütəxəssis 41 yaşlı hücumçunun noyabrda keçiriləcək beynəlxalq oyunlar üçün yığmaya dəvət edilməsinə qarşı olmadığını, lakin bunun üçün futbolçunun intizam qaydalarına və qoyulan sərt şərtlərə tam əməl etməli olduğunu bildirib. Ronaldo isə hələlik bu tələbləri qəbul etməkdən imtina edir.
Komandadakı gərginliyi aradan qaldırmaq istəyən federasiya rəhbəri Pedru Proensa üçtərəfli rəsmi görüş təşkil etməyə çalışsa da, tərəflərin kompromisə getməməsi bu təşəbbüsü çətin vəziyyətə salır.
