Sport24.az
"Bilirdik ki, bizim üçün asan olmayacaq". Sport24.az xəbər verir ki, bunu "Kür"ün baş məşqçisi Nasser Salimi Avropa Kubokinun 1/16 final mərhələsində İslandiyanın "Haukar" klubu ilə oyundan sonra jurnalistlərə açıqlamasında deyib.
Mütəxəssis məğlubiyyəti belə şərh edib:
"Çox çətin oyun oldu. Rəqibin gücü bizə məlum idi. Bilirdik ki, bizim üçün asan olmayacaq. Amma ən kiçik şansdan belə, istifadə etmək istəyirdik. Komandama, bizi dəstəkləyən azarkeşlərə təşəkkür edirəm. Dünənki oyunla müqayisədə bu gün nisbətən zəif oynadıq. Həmçinin bütün oyunçulara şans verdik".
Qeyd edək ki, "Kür" hər iki qarşılaşmada İslandiya təmsilçisinə məğlub olaraq Avropa kubokunda mübarizəni dayandırıb.
