Qar voleybolu üzrə Azərbaycan çempionatının ilk günündə 8 oyun keçirilib

Ölkəmizdə ilk dəfə keçirilən yarışda 4 qadın ("AZERRAIL", "Murov Az Terminal", "Gəncə", U-21), 4 kişi ("AZERRAIL", "Murov Az Terminal", "Gənclər", U-21) komandası çempionluq uğrunda mübarizə aparır.

"Report"un Şahdağa ezam olunan əməkdaşı xəbər verir ki, "Şahdağ" Turizm Mərkəzində təşkil olunan yarışın ilk günü 8 oyun baş tutub.

Sabah çempionatda 3-cü turun qarşılaşmalar ardınca isə final və üçüncü yer uğrunda oyunlar keçiriləcək. Final qarşılaşmalarından sonra qaliblərin mükafatlandırma mərasimi olacaq.

Qeyd edək ki, çempionat dairəvi sistem üzrə keçirilir. Yekun nəticəyə əsasən ilk iki pillənin sahibləri çempionluq, 3-4-cü yerləri tutacaq komandalar isə üçüncülük uğrunda oynayacaq.

Oyunların nəticələri

25 yanvar

Qadınlar

"AZERRAIL" - U-21 2:0 (15:7, 15:4)
"Murov Az Terminal" - "Gəncə" 2:0 (16:14, 15:13)
"AZERRAIL" - "Murov Az Terminal" 2:0 (15:10, 15:9)
"Gəncə" - U-21 2:1 (13:15, 15:12, 15:7)
Kişilər
"AZERRAIL" - "Gənclər" 2:0 (15:3, 15:6)
"Murov Az Terminal" - U-21 2:1 (15:7, 12:15, 15:6)
"AZERRAIL" - "Murov Az Terminal" 2:1 (9:15, 15:10, 15:11)
U-21 - "Gənclər" 2:0 (15:6, 15:6)

26 yanvar

Qadınlar

10:00. "AZERRAIL" - "Gəncə"
10:45. "Murov Az Terminal" - U-21
Kişilər
11:30. "AZERRAIL" - U-21
12:15. "Murov Az Terminal" - "Gənclər"

14:30. 3-cü yer (qadınlar)
15:15. 3-cü yer (kişilər)
16:00. Final (qadınlar)
16:45. Final (kişilər)

Mükafatlandırma mərasimi