Idman.biz
Azərbaycan təmsilçiləri "Mingəçevir Reqatası-2026"nın ikinci gününün ilk yarısında daha üç medal qazanıblar.
İdman.Biz-in yarışa ezam olunan əməkdaşının məlumatına görə, Qiyas Əhmədov və Tengiz Qaqnidze iki nəfərlik kayak qayığında 500 metr məsafədə 2008-2009-cu il təvəllüdlü idmançıların mübarizəsində birinci olublar.
Eyni kateqoriyada çıxış edən Nuran Rəhimli və Elvin Əliyev isə yarışı üçüncü pillədə başa vurublar.
Hüseyn Səmədli də günün medalçıları sırasında yer alıb. O, bir nəfərlik kanoe qayığında 1000 metr məsafədə 2008-2009-cu il təvəllüdlü idmançıların yarışında bürünc medal qazanıb.
Qeyd edək ki, Köndələn su anbarında keçirilən reqatanın ilk günündə Azərbaycan avarçəkənləri bir qızıl, bir gümüş və iki bürünc medal əldə ediblər.
09:47
Füzulidə keçirilən "Mingəçevir Reqatası-2026" beynəlxalq turnirində bu gün ikinci yarış gününə start verilir.
İdman.Biz-in yarışa ezam olunan əməkdaşının məlumatına görə, ötən gün Azərbaycan təmsilçiləri bir qızıl, bir gümüş və iki bürünc olmaqla ümumilikdə dörd medal qazanıblar.
Bir nəfərlik kayak qayığı üzrə 200 metr məsafədə 2008-2009-cu il təvəllüdlü idmançıların mübarizəsində Əlimurad Hacızadə qızıl, Nuran Rəhimli isə gümüş medal əldə edib.
Digər iki bürünc medalı isə Hüseyn Səmədli və Elmir Tarverdiyev qazanıblar. Hüseyn Səmədli 2008-2009-cu il təvəllüdlü idmançıların mübarizəsində bir nəfərlik kanoe qayığı üzrə 200 metr məsafədə, Elmir Tarverdiyev isə 2010-2011-ci il təvəllüdlü idmançıların mübarizəsində bir nəfərlik kayak qayığı üzrə 200 metr məsafədə üçüncü olub.
Bu gün və sabah yarışın bütün növləri və məsafələri üzrə mübarizə Mingəçevir "Kür" Olimpiya Tədris-İdman Mərkəzində davam etdiriləcək.
Qeyd edək ki, yarışda Azərbaycanla yanaşı, Çexiya, Gürcüstan, Macarıstan, Qırğızıstan, Latviya, Litva, Moldova, Tacikistan, Türkiyə, Ukrayna və Özbəkistandan 100-dən çox gənc avarçəkən iştirak edir.
Humay İsgəndərova
