Idman.biz
PSJ-nin baş məşqçisi Luis Enrike velosipeddən yıxalanda aldığı zədəyə görə əməliyyat olunub.
İdman.biz-in "Estadio Deportivo"ya istinadən verdiyi xəbərə görə, mütəxəssis İspaniyadakı xəstəxanalardan birinə aparılıb və uğurla əməliyyat edilib. İspan məşqçinin Liqa 1-də "Lans"aə və Çempionlar Liqasında sentyabrın 17-də "Atalanta" ilə ilk matçda iştirakı sual altındadır.
Qəza PSJ-nin Çempionlar Liqasının qalibi olmaq da daxil olmaqla, ötən mövsümün tarixi het-trikinin uğurunu gücləndirməyə hazırlaşdığı bir vaxtda baş verib. Parislilər Liqa 1-in hər üç açılış matçında qalib gəliblər, lakin məşqçinin yan xəttdə olmaması komandaya təsir edə bilər.
Köməkçi Rafael Pol artıq oyunçularla məşq keçirib və "Lans"la oyundan əvvəl mətbuat konfransında çıxış edəcək. Klubdan qeyd edilir ki, Enrikenin bərpa prosesi İspaniyada davam edəcək və onun ehtiyat oyunçular skamyasına qayıtması tibbi rəydən asılıdır. Məşqçinin Çempionlar Liqasının startında iştirakı böyük sual altında qalır.
İdman.biz
