Lent.az
"Liverpul" qış transfer pəncərəsi dövründə heyətini gücləndirməyi düşünür.
Lent.az-ın xarici mediaya istinadən məlumatına görə, mersisayd klubu yanvar ayında yeni oyunçuya xeyli pul xərcləyə bilər.
Mənbənin məlumatına görə, "qırmızılar"ın əsas seçimlərindən biri hazırda "Monako"da oynayan 22 yaşlı yarımmüdafiəçi Lamin Kamaradır.
Fransız klubu oyunçuya yüksək qiymət verir və ondan asanlıqla ayrılmaq niyyətində deyil. Buna görə də, "Liverpul" transferi təmin etmək üçün inandırıcı maliyyə təklifi verməli olacaq.
"Transfermarkt"ın məlumatına görə, Kamaranın bazar dəyəri 55 milyon avrodur. Lakin ingilis klubu bu qış seneqallı oyunçunu transfer etmək üçün çox güman ki, 70-75 milyon avro arasında pul ödəməli olacaq.
Kamara bu mövsüm "Monako"da on oyun keçirib və iki qol vurub.
