Sport24.az
"Barselona"nın hücumçusu Lamin Yamal Londonda keçiriləcək "Ballon d'Or" (Qızıl top) mərasiminə şəxsi təyyarə ilə yollanacaq. Sport24.az xəbər verir ki, bu barədə "COPE" məlumat yayıb.
Mənbənin szlərinə görə, 19 yaşlı ispan futbolçu ailəsini və yaxın ətrafını özü ilə aparmaq üçün təyyarə icarəyə götürüb. "Barselona"dan olan digər namizədlər — Pau Kubarsi və Rodri — isə Londona ayrı bir reyslə, prezident Joan Laportanın rəhbərlik etdiyi klub nümayəndə heyəti ilə birlikdə uçacaqlar.
"Qızıl top"un mükafatlandırma mərasimi oktyabrın 26-da "London Palladium"da keçiriləcək. Tarixdə ilk dəfə olaraq, bu tədbir Parisdən kənarda təşkil olunacaq.
Qeyd edək ki, Yamal 2025/26 mövsümündə 45 oyunda 16 qol vurub və 12 məhsuldar ötürmə edərək La Liqanın ən yaxşı oyunçusu seçilib. 2026/27 mövsümündə isə cinah oyunçusu İspaniya çempionatında meydana çıxdığı 9 qarşılaşmada 8 qol və 6 məhsuldar ötürmə ilə yadda qalıb.
