top
İstiqlal idman idarəsinin direktoru Qazaxıstan-Azərbaycan əməkdaşlığına dair: Çövkən və kökpar üzrə birgə festival keçirilməsinə hazırdıq Idman.biz
22 oktyabr 2026, 21:03
- ↺ +

İstiqlal idman idarəsinin direktoru Qazaxıstan-Azərbaycan əməkdaşlığına dair: Çövkən və kökpar üzrə birgə festival keçirilməsinə hazırdıq

Qazaxıstanla Azərbaycan arasında milli idman növləri üzrə əməkdaşlığın genişləndirilməsi, çövkən və kökpar yarışlarının birgə təşkili, eləcə də atçılıq sahəsində yeni layihələrin həyata keçirilməsi imkanları müzakirə olunur.

İdman.Biz AZƏRTAC-a istinadən xəbər verir ki, Qazaxıstanın Turizm və İdman Nazirliyinin Milli və Atçılıq İdman Növləri Mərkəzinin direktoru Pazılbek Kayrat müsahibəsində iki ölkə arasında milli idman növləri sahəsində əməkdaşlığın inkişafı, kökpar (türk xalqlarının qədim ənənəvi atüstü idman oyunu) və çövkən üzrə birgə tədbirlərin keçirilmə perspektivləri, atçılıq sahəsində təcrübə mübadiləsi, eləcə də gələn il həyata keçirilə biləcək layihələr barədə danışıb.

- Qazaxıstanla Azərbaycan arasında milli və atçılıq idman növləri sahəsində əməkdaşlıq necə inkişaf edir?

- Qazaxıstan və Azərbaycan qardaş xalqlardır. Bizi ortaq türk kökləri, mədəniyyətimiz, ənənələrimiz və yaxın dünyagörüşümüz birləşdirir. İdman isə bu əlaqələri möhkəmləndirən ən canlı vasitələrdən biridir.

Biz daim bir-birimizi dəstəkləyir, təcrübəmizi bölüşür və xalqlarımızın tarixini yaşadan milli idman növlərini birlikdə inkişaf etdiririk.

Azərbaycanlı idmançılar turnirlərdə və təlim-məşq toplantılarında iştirak etmək üçün mütəmadi ölkəmizə gəlirlər. Qazaxıstanlı idmançılar da tez-tez Azərbaycanda keçirilən yarışlarda çıxış edirlər. Bu yaxınlarda nümayəndə heyətimiz Bakıdan qayıdıb. Bizi həmişə olduğu kimi qardaşcasına qarşıladılar.

Əminəm ki, formalaşmış dostluq münasibətləri idman sahəsində əməkdaşlığın daha da inkişafı və milli oyunlarımızın beynəlxalq arenada tanıdılması üçün möhkəm təməl olacaq.

- Avqust ayında Bakıda qazax güləşi üzrə dünya çempionatı keçirildi. Bu idman növünün Azərbaycanda inkişaf perspektivlərini necə qiymətləndirirsiniz?

- Dünya çempionatının Bakıda keçirilməsi qazax güləşinin beynəlxalq arenada inkişafı üçün mühüm addım oldu. Avqustun 22-23-də keçirilən yarışlarda 20-dən çox ölkənin idmançıları iştirak ediblər. Sevindirici haldır ki, çempionatda həm kişilər, həm də qadınlar mübarizə aparıb, medallar uğrunda 16 çəki dərəcəsində yarışlar keçirilib.

Hesab edirəm ki, bu güləş növünün Azərbaycanda inkişafı üçün yaxşı perspektivlər var. Bunun üçün məşqçilər arasında əlaqələri möhkəmləndirmək, klub və bölmələrin fəaliyyət göstərdiyi coğrafiyanı genişləndirmək, idmançıların beynəlxalq turnirlərdə müntəzəm iştirakını təmin etmək lazımdır.

Qazaxıstan tərəfi olaraq hazırlıq metodikalarının mübadiləsində, təcrübəli məşqçilərin və tanınmış güləşçilərin iştirakı ilə birgə ustad dərslərinin təşkilində maraqlıyıq. Bu, idmançıların ustalığını artırmağa və qazax güləşinin daha çox tanınmasına imkan verəcək.

- Azərbaycan milli atçılıq oyunu olan çövkənlə, Qazaxıstan isə kökparla tanınır. Bu idman növləri üzrə birgə yarışların keçirilməsi mümkündürmü?

- Çövkən və kökpar xalqlarımızın tarixi ənənələrini əks etdirən özünəməxsus milli atçılıq oyunlardır. Qaydaları fərqli olsa da, hər iki oyunda atlıların məharəti, atların hazırlığı və komanda şəklində qarşılıqlı fəaliyyət mühüm rol oynayır.

Hesab edirəm ki, bu istiqamətdə birgə tədbirlərin keçirilməsinin böyük perspektivləri var. Qazaxıstanla Azərbaycan bir-birindən çox şey öyrənə bilər - atlıların və atların hazırlanması metodikalarından tutmuş yarışların təşkili və təhlükəsizlik tədbirlərinin təmin edilməsinədək müxtəlif məsələlər daxildir.

Mümkün əməkdaşlıq istiqamətlərindən biri çövkən və kökparın nümayiş olunduğu, dostluq görüşlərinin və nümunəvi çıxışların keçirildiyi beynəlxalq milli atçılıq oyunları üzrə festivalın təşkil edilməsi ola bilər.

Belə bir format tamaşaçıları hər iki oyunun xüsusiyyətləri ilə tanış etməklə yanaşı, idmançılar, məşqçilər və yarış təşkilatçıları arasında peşəkar əməkdaşlıq üçün də platforma yaradar.

Mərkəzimiz Azərbaycan tərəfinin aidiyyəti üzrə federasiya və idman təşkilatları ilə birlikdə bu istiqamətdə müvafiq təklifləri nəzərdən keçirməyə hazırdır.

- Azərbaycan Qarabağ atları ilə tanınır. Atçılıq və idman atlarının hazırlanması sahəsində əməkdaşlıq üçün hansı perspektivləri görürsünüz?

- Atçılıq Qazaxıstanın və Azərbaycanın tarixi-mədəni irsində xüsusi yer tutur. Bu sahədə əməkdaşlığın bir neçə perspektivli istiqamətini görürük.

İlk növbədə, söhbət idman atlarının seleksiyası, yetişdirilməsi və böyüdülməsi sahəsində təcrübə mübadiləsindən gedir. Mütəxəssislərin qarşılıqlı fəaliyyəti atların cins xüsusiyyətlərinin qiymətləndirilməsi və heyvanların fiziki hazırlığına dair müxtəlif yanaşmaları öyrənməyə imkan verəcək.

İdman atlarına baytarlıq nəzarəti, onların yemlənməsi və saxlanılması, bərpası, eləcə də zədələrin müalicəsi sahələrində elmi-praktik əməkdaşlıq da maraq doğurur.

Bundan başqa, milli at cinslərinə və atçılıq ənənələrinə həsr olunmuş birgə seminarlar, sərgilər və nümayişlər təşkil etmək mümkündür.

Ayrıca bir istiqamət milli atçılıq idman növləri üçün atların hazırlanmasıdır. Bununla belə, nəzərə almaq lazımdır ki, kökpar və çövkən üçün atların hazırlanmasına dair tələblər fərqlidir. Buna görə də əməkdaşlıq peşəkar yanaşmaya və hər bir idman növünün özünəməxsus xüsusiyyətlərinə hörmətə əsaslanmalıdır.

- Mərkəziniz gələn il Azərbaycanla hansı birgə layihələri həyata keçirməyi planlaşdırır? Yeni beynəlxalq turnirlərin və təlim-məşq toplantılarının keçirilməsi gözlənilirmi?

- 2027-ci ildə Azərbaycanla əməkdaşlığı genişləndirmək üçün yaxşı imkanlar görürük. Məqsədimiz ayrı-ayrı tədbirlərin keçirilməsindən iki ölkənin idman təşkilatları arasında sistemli əməkdaşlığa keçməkdir.

Əsas prioritetlərdən biri birgə idman tədbirləri təqviminin hazırlanması ola bilər. Bu, nümayəndə heyətlərinin turnirlərdə, təlim-məşq toplantılarında və digər beynəlxalq tədbirlərdə iştirakını əvvəlcədən razılaşdırmağa imkan verəcək.

Qazax güləşinə və milli atüstü oyunlara xüsusi diqqət yetirməyi planlaşdırırıq. Burada məqsəd yalnız yarışların sayını artırmaq deyil, həm də idmançıların hazırlığı, məşqçilik metodikalarının təkmilləşdirilməsi və turnirlərin təşkilati səviyyəsinin yüksəldilməsi üçün şərait yaratmaqdır.

Gələcəkdə iki ölkənin müvafiq federasiyaları, idman mərkəzləri və mütəxəssisləri arasında birbaşa əlaqələrin inkişafı da mümkündür. Bu, əməkdaşlığa daha praktik və uzunmüddətli xarakter qazandıracaq.

Bununla yanaşı, tədbirlərin konkret tarixləri, keçiriləcəyi yerlər və iştirakçıların tərkibi Azərbaycan tərəfinin tərəfdaşları, aidiyyatı federasiya və səlahiyyətli qurumlarla aparılacaq danışıqların nəticələrinə əsasən müəyyənləşdirilməlidir.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 11:24

Messi'nin anası Niko Pas'a "oğlunun varisi" demiş

Futbol
Bu gün, 11:20

Sao Xoao de Ver klubunda iki aylıq maaş böhranı

Futbol
Bu gün, 11:14

PSJ, Markinyosla 2029-ədək yeni müqavilə təklif edir

Digər
Bu gün, 11:04

Yeni Futsal Mükəmməllik Müsabiqəsində 10 Komanda Rəqabət Aparacaq

Futbol
Bu gün, 11:00

Neftçi, Qəbələ futbolçusu Eşqin Əhmədovu transfer etməyi planlaşdırır

Futbol
Bu gün, 10:54

İtalyan klub Empoli itlə müqavilə imzaladı

Digər
Bu gün, 10:54

131 idmançı AZERFIT layihəsi çərçivəsində monitorinqdən keçdi

Futbol
Bu gün, 10:51

Azərbaycan minifutbol milli komandası Avropa reytinqində ikinci sırada

Futbol
Bu gün, 10:38

Səbail futbol akademiyasının direktoru Mirbağır İsayev istifa etdi

Futbol
Bu gün, 10:23

Xviça Kvaratsxeliya, GQ France jurnalının ilin adamı elan edilməsinə münasibət bildirib

Futbol
Bu gün, 10:20

Xviça Kvaratsxelia 2026-cı ilin "İlin adamı" seçildi

Futbol
Bu gün, 10:04

Marşal Adaları milli komandası FIFA-ya üzv olmaq üçün təlim planlaşdırır;

Qarabağ FK
Bu gün, 10:00

“Taofik İsmailin 1 milyon avroluq transferi Polşada müzakirə olunur”

Basketbol
Bu gün, 09:53

Gəncə Basketbol Klubu Baş Məşqçisi 78:79 Məğlubiyyətini Açıqladı

Futbol
Bu gün, 09:40

Fransa klubu Opendanı icarədən qaytarır

Futbol
Bu gün, 09:37

Ueyn Runi: 'İntihar etməyi düşündüm' – psixoloji çətinlikləri açıq şəkildə izlədi

Futbol
Bu gün, 09:29

Birinci Liqa: Xankəndi, Karvan-Yevlaxı 8-ci turda qəbul edəcək

Futbol
Bu gün, 09:20

Ueston Makkenni Juventusdan ayrılmaq istəmədiyini bəyan etdi

Voleybol
Bu gün, 09:16

Ordu Bakıda Norveç klubunu qarşılayaq: CEV Çelenc Kuboku 1/32 finali

Futbol
Bu gün, 09:08

Luis Enrike: “Səhər saat dörddə işi tərk etmək istəmişdim, amma davam etdim”

Voleybol
Bu gün, 09:00

Xilasedici komandası CEV Çempionlar Liqasında bu gün oyun keçirir

Futbol
Bu gün, 09:00

Kristiano Ronaldo Yaxın Şərqdə “İlin Ən Yaxşı Futbolçusu” səsverməsində liderdir

Qarabağ FK
Bu gün, 08:40

Aleksey Kaşuk: Ukrayna milli komandasında debut – Ömrümün sonuna kimi xatırlayacağım günlər

Futbol
Bu gün, 08:12

“Bavariya”nın yarımmüdafiəçisi Camal Musiala iki aylıq fasilədən sonra yenidən oyun sahəsinə qayıdacaq

Oxşar xəbərlər