Idman.biz
Beynəlxalq Konkisürmə İttifaqının (ISU) rusiyalı fiqurlu konkisürən Veronika Jilinanın Azərbaycan komandasına keçidini təsdiqləmədiyi bildirilir.
İdman.biz "Sputnik Azerbaydjan"a istinadən xəbər verir ki, Jilina son iki il ərzində Rusiya yığmasında çıxış etməsə də, ISU üçün əsas meyar Rusiya Fiqurlu Konkisürmə Federasiyasından (FFFFR) rəsmi razılığın olmamasıdır.
Bir neçə gün əvvəl Azərbaycan vətəndaşlığı almış fiqurlu konkisürənin idman vətəndaşlığını dəyişməsi FFFFR tərəfindən təsdiqlənməyib.
Jilinanın məsələsi ilə bağlı əsas danışıqların sentyabrın 24–27-də Bakıda gənclər arasında keçiriləcək fiqurlu konkisürmə üzrə Qran Pri turniri ərəfəsində və ya yarış zamanı baş tutacağı gözlənilir. Bu yarışa ISU rəhbərliyi də dəvət olunub.
İdman.biz
