İdman.biz
Dünya Atletikası 2024-cü ilin ən yaxşı atletlərinin adlarını açıqlayıb.
İdman.biz xəbər verir ki, Sifan Hassan və Letsile Teboqo dünyanın ən yaxşısı seçiliblər.
Niderlandı təmsil edən Sifan Hassan 2024-cü il Olimpiadasında marafonda qızıl medal qazanıb. Ümumilikdə onun hesabında üç çempionluq var: Tokio 2020 Olimpiadasında da 5000 və 10000 m məsafələrə qaçışda da qalib olub.
Hassan həmçinin stadiondan kənarda keçirilən atletika növləri üzrə də ən yaxşı idmançı seçilib. Kişilər kateqoriyasında marafonda Paris-2024-ün çempionu efiopiyalı Tamirat Tola qalib gəlib.
Botsvanalı sprinter Letsile Teboqo Parisdə keçirilən Olimpiadada 200 m məsafəyə qaçışda qızıl və 4x400 m estafet yarışında gümüş medal qazanıb. O, "İlin atleti" nominasiyasından başqa, qaçış növlərində də ən yaxşı seçilib. Qadınlarda Parisdə 400 m məsafəyə maneələrlə qaçışda və 4x400 m estafetdə qızıl medallar qazanmış amerikalı Sidni Maklaflin-Levron bu kateqoriyanın qalibi olub.
Texniki növlər üzrə ən yaxşı idmançılar şüvüllə tullanan isveçli Arman Duplantis və hündürlüyə tullanan ukraynalı Yaroslava Maquçix olub: hər ikisi 2024 Olimpiya Oyunlarının qalibi olub və dünya rekordları müəyyənləşdiriblər.
İdman.biz
