İdman.biz
"Triterra Baku" triatlon klubunun təşkilatçılığı və Gənclər və İdman Nazirliyinin dəstəyi ilə Bakıda "SkyWinD" adlı şaquli qaçış yarışı keçiriləcək.
İdman.biz xəbər verir ki, üçüncü dəfə təşkil edilən turnir "Çinar Plaza" Biznes Mərkəzində baş tutub.
İştirakçılar finiş xəttinə çatmaq üçün mərkəzin 33 mərtəbəsini (667 pillə) qalxaraq 122 metr hündürlüyü fəth ediblər. Turnirə 70-ə yaxın idmançı, o cümlədən gənclər və idman naziri Fərid Qayıbov da qatılıb.
Yarış "Everestini fəth et!" şüarı altında keçirilib. Everesti fəth edən ilk azərbaycanlı İsrafil Aşurlı da turnirin fəxri iştirakçısı olub.
Kişilər arasında Musa Mikayılzadə (Velosiped İdmanı Federasiyası) birinci, Cavid Məmmədov (Atletika Federasiyası) ikinci yeri tutub. Renat Bağışov üçüncü olub.
Qadınlar arasında Natalya Uollek ("Ultra Trail Runners") qalib gəlib, Azərbaycanın ilk "Dəmir ledisi" Rəbiyyə Oruclu ikinci, Marina Belan (hər ikisi "Triterra") üçüncü olub.
Qeyd edək ki, şaquli qaçış yarışları dünyada getdikcə populyarlaşır. Onlar adətən dünyanın ən hündür binalarında keçirilir.
İdman.biz
