Report.az
"Azərreyl" qar voleybolu üzrə də Avropa çempionu olmağa çalışacaq.
Bunu "Report"a açıqlamasında "Azərreyl" klubunun prezidenti Ramin Əzizov deyib.
"Azərreyl"in həm kişilərdən, həm də qadınlardan ibarət hər iki komandası Azərbaycanda keçirilən qar voleybolu üzrə yarışda ilk dəfə çempion oldular. Yarışın təşkilatçılığı da əla idi. Oyunçuların həm əhval-ruhiyyəsi, həm də əzmkarlığı yüksəkdir. Onlar əllərindən gələni etdilər və özlərinin yüksək səviyyəli oyunçu olduqlarını sübuta yetirdilər", - o deyib.
R.Əzizov vurğulayıb ki, "Azərreyl"in həm qadınlardan, həm də kişilərdən ibarət komandaları daha əvvəl çimərlik voleybolu üzrə Avropa çempionu olub: "Azərbaycanda keçirilən yeni idman növləri üzrə yarışlarda məqsəd beynəlxalq arenalarda yüksək nailiyyətlər qazanmaqdır".
