Report.az
"Ümid edirik ki, gələcəkdə nəticələrimiz daha yaxşı olacaq.
Bunu "Report"a açıqlamasında Azərbaycanın bədii gimnastika üzrə hakimi Yevgeniya Vilyayeva deyib.
Ədalət təmsilçisi İsveçrənin Lozanna şəhərində Beynəlxalq Gimnastika Federasiyası tərəfindən keçirilən 2025-2028-ci illər olimpiya dövrünü əhatə edən qitələrarası hakimlik kurslarında yüksək nəticə göstərmələri barədə danışıb.
O, kursa çox ciddi hazırlaşdıqlarını bildirib:
"Məsuliyyəti dərk edirdik və əlimizdən gələni göstərmək istəyirdik. Nəticədən çox razıyıq. Bizə bu fürsəti verdiyi üçün Azərbaycan Gimnastika Federasiyasına, qurumun prezidenti, Birinci vitse-prezident Mehriban Əliyevaya çox minnətdarıq. Gənclər və idman naziri Fərid Qayıbova, nazir müavini Mariana Vasilevaya dəstəyə görə təşəkkür edirik".
Referi gələcək planlarından da söz açıb: "Federasiya olaraq milli komandanı qarşıdan gələn mövsümə hazırlamaq niyyətindəyik. Biz isə bədii gimnastikanın yeni qaydalarına uyğun olaraq hakim kimi yarışlara köklənəcəyik".
Qeyd edək ki, Azərbaycanın bədii gimnastika üzrə hakimləri tarixdə ilk dəfə 1-ci kateqoriyaya layiq görülüblər. Yevgeniya Vilyayeva qrup hərəkətlərində 1-ci, fərdi proqramda 2-ci kateqoriyaya sahib çıxıb. Nigar Abdusalimova fərdi proqramda 1-ci, qrup hərəkətlərində 2-ci kateqoriyaya yiyələnib. Bundan əlavə, Səbinə Hacıyeva (fərdi proqram üzrə) 2-ci, Vəfa Bəkərova (qrup hərəkətləri üzrə) 3-cü kateqoriyanı əldə edib.
