Azərbaycan millisinin sabiq futbolçusu Aslan Kərimov AVRO-2024-də yarımfinala yüksələ biləcək komandaların adlarını açıqlayıb.
"İdman Bizdə"nin qonağı olan 51 yaşlı mütəxəssis 1/4 finalda Almaniya - İspaniya cütündə pirineylilərin şanslı olduğunu düşünür.
O, Fransanın Portuqaliya ilə matçın favoriti olduğunu da bildirib. Kərimov İngiltərənin İsveçrəni, Niderlandın isə Türkiyəni keçəcəyini də deyib.
Qeyd edək ki, 1/4 final mərhələsinə iyulun 5-də Almaniya – İspaniya matçı ilə start veriləcək.
Emin Ağa
İdman.biz