İdman.biz
"Artıq iki ildir fəaliyyət göstəririk. Bu gün də bunun hesabatını verdik".
İdman.biz xəbər verir ki, bunu "İdman Könüllüləri və Azarkeşləri" İctimai Birliyinin rəhbəri Atanur Cəfərli qurumun hesabat-seçki konfransından sonra jurnalistlərə açıqlamasında bildirib.
O, yenidən rəhbər seçilməsinə münasibət bildirib: "Buna görə bütün üzvlərimizə təşəkkür edirəm. İnanıram ki, növbəti iki ildə də əlimizdən gələni edəcəyik. Yenə də dəstəyimizi verib, idmançılarımızın yanında olacağıq".
Cəfərli 4 illiyin ən möhtəşəm yarışı olan Paris-2024 Yay Olimpiya Oyunlarında da idmançılarımızı dəstəyəcəklərini qeyd edib: "Bundan öncə Konyada İslam Həmrəyliyi Oyunlarında, Polşada III Avropa Oyunları zamanı da bunu etmişik. İndi də Olimpiadada idmançılarımıza yüksək səviyyədə dəstək olacağıq. İnanırıq ki, yığmamızın üzvləri bundan xüsusi motivasiya alaraq Vətənimizə uğurla dönəcəklər".
Banuçiçək Hüseynli
İdman.biz
